وقت بدل جاتا ہے
ملک میں اکثریت رکھنے والی جماعت مشکل میں ہے،سیاسی مخالفین پوری طاقت سے میدان میں آگئے ہیں ،اتحادیوں نے وقت کا فائدہ اٹھاتے ہوئے آنکھیں دکھانا شروع کر دی ہیں ،سودے بازی کی بات کررہے ہیں ۔حکومتی پارٹی کے اندر ٹوٹ پھوٹ اس قدر ہے کہ اب جوڑنا مشکل دکھائی دیتا ہے۔حزب اختلاف نے اس ماحول کا فائدہ اٹھاتے ہوئے دانا ڈالنا شروع کردیا ہے،اپوزیشن کا دانا ابھی نگلا تو نہیں گیا لیکن لگتا ایسے ہے کہ وہ نگل لیں گے۔اگر وہ نگل گئے تو پھر قائد ایوان کیلئے اچھا نہیں ہوگا
دل کے پھپھولے جل اٹھے سینے کے داغ سے
اس گھر کو آگ لگ گئی گھر کے چراغ سے
لوگ کہتے ہیں کہ تحریک انصاف کو اس کے گناہوں کی سزا ملنے والی ہے، کچھ تو اسے مکافات عمل کا نام بھی دے رہے ہیں۔ دیکھتے ہیں کہ اس میں کتنی سچائی ہے، ہم ذرا ماضی میں جائیں تو بہت کچھ ڈھونڈنے سے مل جائے گا۔
ہر وقت ہاتھ میں تسبیح رکھنے والے حکمران کو اللہ نے بار بار سنبھلنے کا موقع دیا ،نیند سے جاگنے کیلئے ہچکولے دیے ۔آزمائشوں سے گزارا ۔اُن کی رسی دراز کی کہ شاید سنبھل جائیں۔ کاش کہ اس ظالمانہ سیاست کو سمجھ سکتے کہ جو اپنے ہی بچے کھا جاتی ہے۔ میرے ملک کے چیف ایگزیکٹو صاحب کی سمجھ میں مسئلے کا حل نہیں آرہا تو کسی کسان ہی سے پوچھ لیں۔ کیوں؟جب کسی کسان کا بیل بوڑھا ہوجاتا ہے یا کوئی جوان بیل کھیت میں ہل چلانے کے دوران بیٹھ جاتا ہے تو وہ اسے گھر میں نہیں رکھتا قصائی کے حوالے کردیتا ہے، شاید ملک کا نظام چلانے کیلئے قیادت بدلنے کا وقت آن چکا ۔بیل بدلنے کا وقت ہے بدل لیجئے نہیں تو وقت بدل جائے گا۔غفلت کی نیند سے جاگنے کیلئے کسی ایک کو بلی دینی پڑے گی
وقت کا کیا ہے مرے یار بدل جاتا ہے
آگ لگتی ہے تو بازار بدل جاتا ہے
بہترین تحریر اور مثالیں
ReplyDeleteشکریہ
Delete