مقررہ وقت میں الیکشن ممکن ہے؟

کرلو جو کرنا ہے الیکشن کمیشن نے ہاتھ کھڑے کردیے،چھ ماہ سے پہلے الیکشن ممکن ہی نہیں، ووٹر لسٹوں کی اپ ڈیٹ ،کے پی میں حلقہ بندیاں مانع ہے،سندھ میں تازہ مردم شماری لازم ہے۔الیکشن کمیشن کے اراکین بھی مکمل نہیں ۔

 

فافن کے سربراہ مدثر رضوی نے کہا ہے کہ جہاں تک الیکشن کمیشن کی صلاحیت اور ذمہ داری کی بات ہے تو وہ نوے دن میں الیکشن کروا لے گا ،اس کا ہمیں یقین ہے،کے پی کے بلدیاتی انتخابات ہمارے سامنے ہیں ۔الیکشن کمیشن میں اس وپت پورا کمیشن موجود نہیں  اس وجہ سے مشکل در پیش ہے،سینیٹ کی کمیٹی اب الیکشن کمیشن کے ممبران کو منتخب کرے گی ،یہ فیصلہ جلدی ہوتا نظر نہیں آرہا ۔دوسرا مسئلہ حلقہ بندیوں کا ہے،صرف کے پی  کے ضم شدہ اضلاع ہی نہیں  دیگر جگہوں پر مسائل درپیش ہیں ۔پہلے جو حلقہ بندیاں ہوئی تھیں وہ صرف 2018 کے عام انتخابات کیلئے تھیں ۔

اگر نئی حد بندیاں ہوتی ہیں تو اپیل کرنے والوں کے حقوق سلب ہوسکتے ہیں کیونکہ ان کے پاس وقت نہیں ہوگا ۔کچھ چیزوں پر سمجھوتہ ہوگا،اس پر الیکشن کی شفافیت پر بھی سمجھوتہ کرنا پڑے گا ۔ضمنی انتخابات میں جماعتوں نے نتائج کو قبول کیا ہے،اس کے مطلب ہے کہ الیکشن کمیشن کی کوالٹی میں بہتری آئی ہے،دنیا کی جمہوریتوں میں عبوری حکومتوں کا نظریہ موجود نہیں ہے،یہ پاکستان اور بنگلہ دیش میں ہوتا ہے،آئین میں کہیں نہیں لکھا کہ تمام اسمبلیوں کا اکٹھا الیکشن ہو،الیکشن کمیشن کے پاس بھی بہت سارے اختیارات موجود ہیں ۔پاکستان کو یہ تجربہ کرکے دیکھ لینا چاہئے۔

Comments

Post a Comment

Popular posts from this blog

تحریک عدم اعتماد: میچ آخری اوورز میں داخل

Image
حکومت اور اپوزیشن کا میچ دلچسپ مرحلے میں داخل ہوچکا ہے،اپوزیشن کی تیز گیندیں حکومت کے بلے بازوں کو کریز پر ٹکنے نہیں دے رہیں ،پانچ سات اوور کا میچ باقی ہے اور ہدف کم ہے۔تبصرہ نگار کہتے ہیں کہ اسی طرح گیند بازی جاری رہی تو آخری اوور کی ضرورت نہیں پڑے گی ،اس سے پہلے ہی وکٹیں اڑ جائیں گی ۔اس میچ کو بگاڑنے کیلئے تماشائیوں کو ڈی چوک پر لانے کیلئے دونوں طرف سے اعلانات کیے جاچکے ہیں،تیاریاں بھی جاری ہیں ۔سوال یہ ہے کہ میچ بگڑ جائے گا یا جیت اور ہار کے فیصلے پر ختم ہوگا؟   اس وقت حکومت کے پاس 179 وکٹیں ہیں جبکہ اپوزیشن کو یہ میچ جیتنے کیلئے مزید 10 وکٹو ں کی ضرورت ہے،اپوزیشن کے دعوے ہیں کہ ہم اپنی وکٹیں پوری کرچکے ہیں  لیکن ہم ایک اچھے انداز میں میچ جیتنا  چاہتے ہیں ۔دوسری جانب حکومت کا دعویٰ ہے کہ یہ جتنی مرضی کوشش کرلیں یہ میچ جیت نہیں پائیں گے،ان دعوئوں میں کتنی صداقت ہےیہ تو میچ کے اختتام پر ہی پتا چلے گا ۔عمران حکومت اور اپوزیشن کے اس میچ میں ان کھلاڑیوں کی اہمیت بڑھ گئی ہے جن کی کبھی ’’باری ‘‘ نہیں آتی تھی ۔انہوں نے اپنے دام بڑھا دیے ہیں،نازونعم میں بھی اضافہ ہوگیا ہے۔ Tw...
Read more

میریا ڈھول سپاہیا تینوں رب دیاں رکھاں

Image
 ماں بھی کیا ہستی ہے کہ اولاد آنکھوں سے دور ہو تو راتوں کو اٹھ اٹھ کر دعائیں کرتی ہے،سامنے ہوتو اسے دیکھتے نہیں تھکتی،اسے چومتی،اس کو پیار کرتی صبع شام ایک کردیتی ہے،یہ کیفیت باپ کی بھی ہوتی ہے،باپ شاید ماں سے بھی زیادہ محبت کرتا ہولیکن وہ اپنی محبت کو چھپائے رکھتا ہے،والدین کے ہاں اولاد سے محبت کی کوئی تفریق نہیں لیکن کہا جاتا ہے کہ والدین بیٹے سے زیادہ محبت کرتے ہیں،اگر یہی قیمتی متاع بوڑھے ماں باپ سے جوانی میں چھن جائے تو ان کے غم کاتصور کرنا بھی ناممکن لگتا ہے،ایک باپ کیلئے جوان بیٹے کی میت اٹھانا دنیا کا سب بڑا بوجھ ہے،دنیا کا سب سے بڑا غم ہے،یہی بیٹا اگر اپنے وطن کی مٹی کیلئے لڑتے لڑتے جان اپنے رب کے حوالے کردیتا ہے تو وہ ماں باپ کیلئے بوجھ کے بجائے فخر بن جاتا ہے،ایسا فخر جس پر فرشتے بھی رشک کرتے ہیں۔     کل تک دنیا پاکستان کو ایک ناکام اور بے کارریاست کا نام دینے پر لگی ہوئی تھی،طرح طرح کی باتیں،طعنے،لفنگوں جیسی آوازیں کسی جار ہی تھیں،آج کیا وجہ ہے کہ وہی لوگ سرمایہ لے کرپاک سرزمین کا رخ کررہے ہیں،مبصرین روشن پاکستان کی نوید دے رہے ہیں،مایوس لوگ باتیں کرتے رہیں گے...
Read more

پاکستان میں’’لوٹا ‘‘کلچر کیسے عام ہوا ؟

Image
سپین میں ایک تحقیق کے دوران سائنسدانوں نے ایک سکہ لیا اور سیاستدانوں کو اس سکے کو اکیلے میں اچھال کر ٹاس کرنے کو کہا، سیاستدانوں کو بتایا گیا تھا کہ اگر سکہ گرنے پر ’ہیڈ‘ آیا تو انہیں کچھ انعام ملے گا تاہم اگر ’ٹیل‘ آئی تو کچھ نہیں ملے گا،سیاستدانوں نے یہ سکہ اچھالا اور 69فیصد نے بتایا کہ ان کا ’ہیڈ‘ آیا ہے۔ حالانکہ حقیقت میں صرف 50فیصد کا ہیڈ آیا تھا اور باقی سب نے معمولی فائدے کے لیے جھوٹ بول دیا۔     رپورٹ کے مطابق اس تحقیق میں سپین کے 816میئرز کو شامل کیا گیا تھا۔ نتائج میں سائنسدانوں نے بتایا کہ جب بھی آپ کسی سیاستدان کو کسی ایسی گیم میں شامل کریں گے جس میں جیتنے میں فائدہ ہو تو وہ جھوٹ بولے گا، سیاستدانوں کی اکثریت ایسا ہی کرتی ہے چنانچہ یہ لوگ الیکشن جیتنے اور اقتدار میں آنے کے لیے جھوٹ بولتے ہیں کیونکہ اس میں ان کا فائدہ ہوتا ہے۔حقیقت میں بھی کیا ایسا ہی ہے؟ تو آپ کو نفی میں جواب دینے والا کوئی نہیں ملے گا بلکہ سب ہاں میں ہی جواب دینگے ،پروپیگنڈا کے بادشاہ گوئبلز کہتے تھے کہ اگر آپ جھوٹ بولیں اور اْسے د وہراتے چلے جائیں تو وہ سچ لگنے لگتا ہے وہ یہ بھی کہتے تھے ...
Read more